• Imprimeix

Celebram eth Dia dera Lengua Mairau en tot promòir era creacion de mems en aranés

16/02/2017 14:02
mems en aranés

Era Direccion Generau de Politica Lingüistica deth Departament de Cultura, eth Consòrci entara Normalizacion Lingüistica e eth TERMCAT celèbren enguan eth Dia dera Lengua Mairau en tot promòir era creacion de mems en aranés entà participar en nomentat “rèpte deth mem ena lengua mairau”, ua iniciativa internacionau de Rising Voices qu'a coma objectiu difóner era diversitat lingüistica enes hilats sociaus.

Eth rèpte deth mem en lengua mairau consistís en crear un mem originau e divertit en aranés; higer-i es etiquetes #MemeML e #occitan e publicà’c en Twitter o Facebook. Tanben se pòt compartir eth mem damb ua auta gent de tot eth mon e reptar a d'autes persones tà pr'amor que creen mès mems e estienen era proposicion. Podetz crear mems de fòrça manères diferentes. Ath pè d’aguest escrit vos facilitam ua lista de webs que vos facilitaràn aguest prètzhèt. 

Eth Dia Internacionau dera Lengua Mairau ei ua jornada declarada pera UNESCO, que se celèbre cada 21 de hereuèr des der an 2000, entà promòir era diversitat lingüistica, culturau e eth multilingüisme. Entà qu'eth catalan e er aranés i siguen plan presents, participa en rèpte e crea un mem.

Entà crear un mem:

http://memes.pocafeina.cat/ 

http://www.memegen.es/

https://memegenerator.net/memes/popular/alltime

https://livememe.com/

http://www.memecreator.org/create

https://makeameme.org/

http://memedad.com/

https://imgur.com/memegen