• Imprimeix

Occitània e lenga occitana

Occitània es una nacion europèa millenària. Es una tèrra amb una lenga e una istòria pròprias e un pòble que se perfila long del temps mercés a l’aportacion etnica de cèltas, ibèrs, ligurs, grècs, romans e visigòts.Uèi, Occitània es politicament dividida entre los estats espanhòl, italian, monegasc e francés, ont se tròba la màger part de son territòri e de sa populacion. Es pas estada reconeguda internacionalament coma entitat politica, mas la lenga occitana es oficiala dins lo Principat de Catalonha, e reconeguda coma pròpria en Aran.

Per nos far una idèa de las dimensions geograficas e umanas d'Occitània, nos centrarem sul territòri ont se parla l’occitan: 16 milions de personas repartidas en 190.000 km2. S’estend de l’Atlantic a la Mediterranèa e del Massís Central fins als Pirenèus. Compren, doncas, Aquitània, Lemosin, Lengadòc, Alvèrnha e Provença.La lenga occitana es una lenga romanica occidentala. Las denominacions "occitan" e "lenga occitana" provenon del latin hoc ‘aiçò’, qu'en occitan deven òc. Justament d’aquel meteis tèrme tanben deriva lengadocian, qu’es devengut uèi lo nom d’un dels dialèctes. Aital se passèt tanben amb las denominacions provençal, lemosin o gascon, que foguèron emplegadas per nomenar l’occitan en divèrses moments istorics. Se calcula que la lenga es parlada per 3 milions de personas.

L’occitan ancian e modèrne se dividís en las varietats dialectalas seguentas: lo lemosin, l’auvernhat, lo vivaroalpenc, lo gascon, lo lengadocian e lo provençal.

Occitan e catalan son doas lengas geograficament pròchas, amb de contactes e de parallelismes istorics e tanben amb una granda afinitat en las estructuras lingüisticas.

Occitan

Catalan


Adieu-siatz / adishatz

Mercés (plan)

Òc, non / non (o) sabi pas

Benvengut -uda, coma va, va plan?

Perdon, perdonatz-me, se vos plai

Qui, que, quand, quant, ont, coma

Non (o) compreni pas

Cèrqui, cercam, cercatz

Trabalhar, beure, manjar, dormir


Bon dia / adéu-siau

Mercès (pla)

Sí, no / no (ho) sé pas

Benvingut -uda, com va, va bé?

Perdó, perdoneu, si us plau

Qui, què, quan, quant, on, com

No (ho) comprenc pas

Cerco, cerquem, cerqueu

Treballar, beure, menjar, dormir

 

 

Data d'actualització:  15.01.2018