• Imprimeix

Conselh de Politica Lingüistica der Occitan Aranés

Eth Conselh de Politica Lingüistica der Occitan Aranés ei format peth Govèrn e eth Conselh Generau d'Aran. Er organ, qu'a ueit membres e caractèr paritari, ei presidit peth secretari generau de Cultura e eth sindic d’Aran n’exercís era vicepresidéncia. Per part dera Generalitat, tanben prenen part era directora generau de Politica Lingüistica e un representant des departaments de Governacion e Relacions Institucionaus e d’Economia e Coneishement. 

Eth Conselh a per mission de coordinar es mesures d’impuls e de normalizacion lingüistica der aranés, compartides entre eth Govèrn dera Generalitat e eth Conselh Generau, atau coma desplegar contenguts entar estudi, recèrca e promocion dera lengua occitana, aranés en Aran, previst ena Llei 35/2010, der 1 d’octobre. En aguest sens, eth Conselh aurà d’aprovar es programes annaus e establir eth finançament adequat e sufisent des politiques lingüistiques damb relacion ar aranés.  

Eth Conselh de Politica Lingüistica deven er instrument de cooperacion institucionau basic entà arténher es objectius generaus perseguits peth Estatut e pera Lei 35/2010, de reconéisher, emparar e promòir er occitan d’acòrd damb era sua varietat aranesa en toti es encastres e sectors. 

Era creacion deth Conselh de Politica Lingüistica der Occitan Aranés s'acordèc eth 17 de mai de 2012, ena reünion dera Comission bilaterau Generalitat de Catalonha – Conselh Generau d’Aran, d’acòrd damb çò que preve era Lei 35/2010, der 1 d’octobre, der occitan, aranés en Aran.

 

Data d'actualització:  31.05.2012